असार २, २०७३
यार्चा टिप्ने पाटन क्षेत्रमा लुटेराको गोली लागी एक सर्वसाधारणको मृत्यु भएको छ ।
मृत्यु भएकामा माग्री गाविस–५ का अन्दाजी ३० बर्षिय कार्मा अङ्ग्याल लामा छन् ।
गएराति सीमा गाविसको उत्तर तर्फको पाटन क्षेत्रमा हतियार सहित स्थानीयले टिपेको यार्चा लुट्न आएका लुटेराको गोलीलागी लामाको मृत्यु भएको जिल्ला प्रशासन कार्यालयले जनाएको छ ।
सो क्षेत्रमा यार्चा संकलकको सुरक्षाकालागि शसस्त्र प्रहरीको बेश क्याप समेत खडा गरिएको छ ।
यार्चा लुटने ब्यक्ति उच्च पाटन क्षेत्रबाट प्रबेश गरेको स्थानीयले बताएका छन् । सञ्चार सम्पर्क समेत नभएकाले घटनाको थप बिबरण प्राप्त नभएको प्रमुख जिल्ला अधिकारी केशवराज शर्माले बताउनुभयो । पाटन क्षेत्रमा यार्चा संकलकको सुरक्षाकालागि ४६ जना शसस्त्र सहित १ सय २६ जान सुरक्षाकर्मी खटिएका छन ।।
