सुर्खेत २९ , साउन । केही दिन यता देशभर भएको अविरल वर्षासंगै आएको पहिरोले घर बगाउँदा सुर्खेतमा तीन जनाको मृत्यु भएको छ । सुर्खेतको गुर्भाकोट नगरपालिका ६ सिन्दुरखोला गाउँमा पहिरोले घर बगाउँदा एकै परिवारका तीन जनाको मृत्यु भएको हो ।
मृत्यु हुनेमा ८३ वर्षिय गुमानसिं बुढा, उहाँका १४ वर्षिय नाती विक्रम बुढा र १२ वर्षिय सरन बुढाको मृत्यु भएको छ । गएराती १२ बजेतिर गएको पहिरोले घर बगाउँदा उनीहरुको मृत्यु भएको इलाका प्रहरी कार्यालय छिन्चुले जानकारी दिएको थियो । पहिरोमा पुरिएका उनीहरुको शव प्रहरीले आइतबार विहान निकालेको थियो ।
