दाङ २८ साउन । दाङ जिल्ला उद्योग वाणिज्य संघको निर्वाचनमा संयुक्त व्यावसायिक प्यानलले प्रचार प्रसार अभियानलाई तीव्र बनाएको छ । प्यानलका सबै उम्मेदवारहरुले आज शनिबार पनि घोराहीमा विभिन्न क्षेत्रका उद्योगी व्यवसायीसँग भेटघाट गर्दै नारायण भुसाल नेतृत्वको संयुक्त व्यावसायिक प्यानललाई मत दिन आग्रह गरेका थिए ।
संयुक्त प्यानलले घोराहीका विभिन्न स्थानमा रहेका व्यापारी संग संक्षिप्त अन्तरक्रिया गर्दै आफ्नो प्यानललाई भोट हाल्न आग्रह गरेको थियो । सो अवसरमा उद्योगी व्यवसायीहरुले साझा संस्थामा साझा पहिचानका साथ मिलेर संयुक्त प्यानल बनाएकोमा खुसी व्यक्त गर्दै संयुक्त प्यानलका उम्मेदवारहरुलाई स्वागत एवं सम्मानसमेत गरेका थिए ।
