इन्द्रेणी संवादाता
रोल्पा, २९ जेठ
रोल्पाको एक सामुदायिक विद्यालयलाई देशकै नमुना सामुदायिक विद्यालय बनाउन स्थानीय युवाहरु देश विदेशबाट जुटेका छन् ।
सदरमुकाम लिवाङबाट २७ किलोमिटर टाढा पर्ने
सिद्धार्थ माध्यमिक विद्यालयको शैक्षिक स्तरोन्ती र भौतिक संरचना परिवर्तन गरेर
नमुना विद्यालय बनाउन देश विदेशमा रहेका युवा लागिपरेका हुन् ।
घोप्टेओढार जिनाबाङ रोल्पाबाट युएई, साउदी अरब, कतार, मलेसिया, भारत लगायतका देशमा रहेका युवा मिलेर अभियान चलाएका हुन ।
प्रत्येक देशमा आर्थिक रकम संकलन गर्न समिती गठन गरिएको छ ।
उपराष्ट्रपति नन्दबहादुर पुनलेसमेत पढाएको विद्यालयलाई नमुना बनाउन जिल्ला शिक्षा कार्यालय र श्रोत केन्द्र तथा राजनीतिक दलका स्थानीय
प्रतिनिधिहरुसँग छलफल गरेर आर्थिक संकलन गर्न सुरु गरिएको हो ।
उपराष्ट्रपति नन्दबहादुर पुनले २०५१ सालमा त्यस विद्यालयमा अध्यापन गराउनु भएको थियो ।
२०४५ सालमा स्थापना भएको विद्यालयमा प्रावि तहमा मात्रै स्थायी दरबन्दी छ ।
युग सुहाउँदो शिक्षाका लागि स्वयंसेवकका रुपमा नमुमा विद्यालय निर्माणका लागि जुटेको युएईमा कार्यरत केबी गुरुङले जानकारी दिनुभयो ।
अभियानबाट दुई हप्तामा ११ लाख रुपैयाँ भन्दा धेरै संकलन भइसकेको छ ।।
