घोराही, १९ जेठ
दाङका प्रहरी प्रमुखको सरुवा भएको छ । गृह मन्त्रालयले हिजो ४० प्रमुख जिल्ला अधिकारी सहित सहायक प्रमुख जिल्ला अधिकारी र जेलरहरुको सरुवा गरेको छ ।
दाङका प्रहरी प्रमुख एसपी कुबेर कडायतको प्रहरी प्रधान कार्यालय काठमाडौमा सरुवा भएको छ ।
अब दाङमा प्रहरी प्रमुखको रुपमा लागु औषध व्यूरो कोटेश्वरबाट एसपी धिरजप्रताप सिहं आउने गृह मन्त्रालयले जनाएको छ । यस्तै दाङका सहायक प्रमुख जिल्ला अधिकारी भरतकुमार बुढाथोकीको जिल्ला प्रशासन कार्यालय कपिलबस्तुमा सरुवा भएको छ ।
बुढाथोकीको सरुवा भएपछि दाङमा सहायक प्रमुख जिल्ला अधिकारीको रुपमा जिल्ला प्रशासन कार्यालय डोल्पाका प्रमुख जिल्ला अधिकारी जीवनप्रसाद दुलाललाई गृह मन्त्रालयले सरुवा गरेको छ ।।
