७ जेठ कालिकोट
कालिकोटमा भारी वर्षासँगै आएको पहिरोमा परि २ जनाको मृत्यु भएको छ । अन्य तीन जना बेपत्ता भएका छन् । हिजो साँझबाट परेको वर्षाका कारण कालिकोटको कोटवाडा गाविसमा पर्ने गजबजार र लालिघाटमा पहिरो गएको हो ।
बाढी र पहिरोमा परी अन्य ८ जना घाइते रहेको कालिकोटका डिएसपी किशन सिंह बुडालले जानकारी दिनुभयो । घाइतेलाई उपचारको लागि कालिकोट स्थिति जिल्ला अस्पताल लगिएको छ ।
एक्कासी ठूलो मात्रामा परेको अविरल वर्षापछि आएको बाढीमा ५० करोड भन्दा बढीको क्षति भएको अनुमान गरिएको छ ।
रातीको समय बजारको दायाँ र बाँया ठाउँबाट आएको बाढीका कारण स्थानीय सुरक्षित स्थानमा भाग्न समेत नसेको कोटवाडाका नेत्र विष्टले बताउनुभयो । गत विहीवार कालिकोट र दैलेख जिल्लाको सिमाना दैखोलामा आएको बाढीले एक जनाको मृत्यु भएको थियो भने डेढ करोड भन्दा माथिको क्षति भएको थियो ।।
