बैतडी,२८ असोज । बैतडीको भौनेली गाविस धरमघर बजारमा रहेको एक औषधी पसलमा आगलागी भएको छ । जिल्ला प्रहरी कार्यालयका अनुसार भौनेली–८ धरमघर बजारमा रहेको केशवदत्त भट्टको औषधि पसलमा हिजो साँझ भएको आगलागी कसरी भयो भनेर थाहा हुन नसकेको प्रहरी नायब उपरीक्षक बालनरसिंह राणाले जानकारी दिए ।
आगो नियन्त्रणका लागि दशरथचन्द नगरपालिकाको दमकल अाएको थियो । आगो प्रहरी र स्थानीय बासिन्दाले नियन्त्रणमा ल्याएका थिए । अागलागीका कारण पसल पूर्ण रुपमा जलेर नष्ट भएको छ ।
