विजयादशमीको अवसरमा दाङ क्रिकेट संघ र दाङ जिल्ला उद्योग वाणीज्य संघबीच मैत्रीपूर्ण ‘भिग्रेली भारीकप क्रिकेट प्रतियोगीता’ हुने भएको छ । दाङ क्रिकेट संघको आयोजना र दाङ जिल्ला उद्योग वाणीज्य संघको समन्वयमा भोली घोराहीमा प्रतियोगीता हुने छ । क्रिकेट खेलतर्फ निजी क्षेत्र र विशेष गरि व्यापारीहरुलाई उत्प्रेरित गर्ने उद्धेश्यका साथ मैत्रीपूर्ण प्रतियोगीताको आयोजना गरिएको दाङ क्रिकेट क्लबका अध्यक्ष प्रदिप मज्गैयाले जानकारी दिनुभयो ।
खेलको माध्यमबाट दशैको शुभकामना आदानप्रदान गर्ने र सरकारले क्रिकेटको विकासकालागी ध्यान नदिईरहेको समयमा निजी क्षेत्रलाई क्रिकेट खेलतर्फ आकर्षीत गर्नकालागी पनि प्रतियोगीताले महत्वपूर्ण भूमीका खेल्ने अध्यक्ष मज्गैयाको भनाई छ । भोली शनिवार दिउसो १ बजेदेखी पपउमाविको खेल मैदानमा प्रतियोगीता हुने र प्रतियोगीता पश्चात विजयी टिमलाई ट्रफि प्रदान गरिने दाङ जिल्ला उद्योग वाणीज्य संघका महासचिव दिपक सुवेदीले जानकारी दिनुभयो । त्यस अवसरमा क्रिकेट खेलको विकासकालागी योगादन पु¥याउनुहुने १७ जनालाई सम्मान पनि गरिने आयोजकले बताएको छ । प्रतियोगीताको मुख्य प्रायोजकमा धुव्रराज श्रेष्ठ(भारी) र भिग्रेली भिलेज होटल घोराही रहेका छन् ।
