इन्द्रेणी संवाददाता
घोराही, १३ असोज । दाङमा प्रहरीले चोरी गरेको मोवाइलसहित तीन जनालाई पक्राउ गरेको छ । बिभिन्न मोवाइल पसल तथा व्यक्तिहरुको मोवाईल चोरी भएको भन्ने सुचनाका आधारमा प्रहरीले खोजतलास गर्दा १५ थान मोबाईल सेटसहित तीन जनालाई पक्राउ गरेको हो ।
जिल्ला प्रहरी कार्यालयबा खटिएको प्रहरीको बिशेष टोलीले खोजतलास तथा अनुसन्धान गर्दै जाँदा आज घोराही ४ चौघेराका १८ बर्षिय बिशाल बिक, घोराही ११ ट्राफिक चोक बस्ने ३२ बर्षिय बब्लु मन्सुरी र लक्ष्मीपुर ४ डाँडाँगाउँ बस्ने १७ बर्षिय निरज चौधरीलाई मोबाईल सहित पक्राउ गरिएको दाङका प्रहरी प्रमुख एसपी धिरजप्रताप सिंहले जानकारी दिएका छन् ।
पक्राउ परेकाको साथबाट बिभिन्न कम्पनीका १५ थान मोवाईल सेटहरु बरामद गरी उनीहरु माथि आवश्यक अनुसन्धान भइरहेको प्रहरीले बताएको छ ।
