रौतहट, २३ भदौ। नेकपा एमालेका वरिष्ठ नेता माधवकुमार नेपालले राजनितिक भागवण्डाले देशमा विकासका काम हुन नसकेको बताउनुभएको छ । उहाँले विकासको मुद्दामा राजनितिक दलहरु पार्टी स्वार्थभन्दा माथि उठेर एक जुट हुनुपर्नेमा जोड दिनुभयो ।madhab kumar nepal

जापानको सहयोगमो गंगापिप्रामा निर्माण गरिएको नेपाल जापान मैत्री सामुदायिक भवनको उदघाटन गर्दै नेता नेपालले विकासका लागि सबै दलबीच सहकार्य हुन जरुरी रहेको बताउनुभयो । जापान सरकारको ९७ लाख र जनश्रमदानबाट जुटाइएको झण्डै २४ लाख रुपैयाँ गरी कुल एक करोड २१ लाखको लागतमा निर्माण भएको सामुदायिक भवनको नेता नेपाल र जापानी राजदूत मासासी ओगावाले उदघाटन गर्नुभएको हो ।

चिनियाँ राष्ट्रपतिको सी जिङपिङको नेपाल भ्रमण स्थगन भएको खबर सुनेको भन्दै उहाँले यो दुखद भएको बताउनुभयो । भ्रमणका बारेमा आधिकारिक जानकारी आफूलाई नभएको तर, भ्रमण रद्द हुन नदिन सरकारले पहल गर्नु पर्ने बताउनुभयो ।।