ओमप्रकाश गुप्ता
सिसहनियाँ २१ भदौ । देउखुरीको सिसहनियाँमा भदौ २९ गते राष्ट्रिय बाल दिवस मनाइने भएको छ । बाल सञ्जाल सिसहनियाँको आयोजनामा सोमवार सिसहनियाँ गाविसमा विषयगत संघ संस्थाहरु सँग भएको छलफल कार्यक्रमले विविध प्रतियोगितात्मक कार्यक्रमको आयोजना गरि बाल दिवस मनाउने निर्णय गरेको हो ।
बाल सञ्जालका अध्यक्ष बसन्तप्रसाद भण्डारीको अध्यक्षता एवम् गाविस सचिव मंगलप्रसाद चौधरीको प्रमुख आतिथ्यतामा भएको छलफल कार्यक्रमले ¥याली, चम्चा दौड, कुर्सी दौड,सोलो साइकल दौड र नृत्य प्रतियोगिताको आयोजना गर्ने निर्णय गरेको हो ।
साथै छलफल कार्यक्रमले गाविस सचिव मंगलप्रसाद चौधरीको संयोजकत्वमा ८ सदस्यीय कार्यक्रम मुल आयोजक समिति समेत गठन गरेको छ ।।
