madheshi-morchaकाठमडौ १२ साउन ।   सयुक्त लोकतान्त्रिक मधेसी मोर्चाकाले आफ्ना माग पुरा गराउन दवाव बढाएको छ । यसअघि सरकारको नेतृत्वकर्ता दल नेकपा माओवादी केन्द्र र नेपाली कांग्रेससँग भएको सम्झौता कार्यान्वयनका विषयमा दवाव दिन मोर्चाले आज सरकारको ध्यानआकर्षण गराउन लागेको हो ।

मोर्चाका नेताहरुले आज उपप्रधान तथा गृहमन्त्री विमलेन्द्र नीधिलाई भेटेर सरकारसँग असन्तुष्टि राख्ने भएका छन् । अस्ति भएको छलफलको निस्कर्ष सहित आज आफ्ना मागका विषयमा दवाव दिने मोर्चा नेताहरुले बताएका छन् । भेटवार्ता दिउँसो २ बजे गृह मन्त्रालयमा हुनेछ ।

साउन १९ गते भएको सहमतिअनुसार पहिलो बुँदा कार्यान्वयनमा चासो नदेखिएको र दोस्रो बुँदा पनि अपुरो रहेको भन्दै मोर्चाले असन्तुष्टि जनाइरहेको छ ।

आन्दोलनका क्रममा घाइते भएको उपचारमा लागेको खर्च, मुद्दा फिर्ता बाँकी रहेकालाई सहिद घोषणा गर्न सरकारसँग मोर्चाको माग रहेको छ । तमलोपाका उपाध्यक्ष वृषेशचन्द्र लालले सरकारले आज दिने प्रतिक्रियापछि मोर्चाले रणनीति तय गर्ने बताउनुभयो ।