दाङ, २० साउन
तुलसीपुर नगरपालिकालाई बालमैत्री घोषणा गर्ने अभियान अन्र्तगत नगरका विभिन्न वडाहरुमा घरधुरी सर्बेक्षणको दोश्रो चरण हुने भएको छ । तुलसीपुर नगरपालिकाको सहयोगमा नवजागरण महिला तथा वाल संरक्षण केन्द्र न्यु सीपीसी तुलसीपुरद्धारा सञ्चालित वाल श्रम तथा वाल संरक्षण कार्यक्रम अन्र्तगत वाल अधिकारका सुचकहरु पत्ता लगाउन घरधुरी सर्बेक्षण गरिने भएको हो ।
घरधुरी सर्बेक्षण कार्यक्रम अन्र्तगत वालवालिकाको जन्मदर्ता, वाल विवाह, वाल श्रम र वालवालिका विरुद्ध हुने हिंसा, बेचविखन, शोषण तथा दुब्र्यवहारको बिवरण लिइने छ । यस अघि नगरका विभिन्न वडाका टोलहरुमा घरधुरी सर्बेक्षण गरिएको थियो । यसअघि दुई हजार बढि घरमा गरिएको सर्बेक्षणबाट वालअधिकारका विविध सवालहरुको अवस्था जानकारी भएको थियो ।
नगरलाई वालमैत्री घोषणा गर्नका लागि वालअधिकारका सबै सूचकहरु पूरा हुनु पर्ने भएकाले सर्बेक्षण मार्फत ति सूचकहरु पत्ता लगाइने न्यु सीपीसीका अध्यक्ष नवराज लामिछानेले जानकारी दिनुभयो । तुलसीपुर नगरपालिकालाई सन् २०१७ भित्रमा वालमैत्री घोषणा गर्ने लक्ष लिइएको छ । सो लक्षलाई पुरा गर्नका लागि नगरपालिकामा विभिन्न कार्यक्रम सञ्चालन भएको न्यु सीपीसीका सञ्चार संयोजक नारायण भण्डारीले जानकारी दिनुभयो ।।
