सुजाता थापा/ प्यूठान
प्यूठान , जिल्ला प्रहरी कार्यालय प्यूठानको पहलमा काठ्माण्डौं निवासी दुर्गा कुमारी कार्कीको सहयोगमा प्यूठानका बाढि पहिरो पिडितलाई प्रति मृतक रु १० हजारका दरले राहत वितरण गरिएको छ। फोप्ली ३ ,४ र ५ वडामा मृत्यु भएका मृतकका आफन्तहरुलाई राहत वितरण गरिसकिएको जिल्ला प्रहरी कार्यालय प्यूठानका प्रमुख डिएसपि रन्जित सिंह राठोरले बताउनु भयो।
उहाँले १८ मृतकका परिवारलाई १० हजारका दरले १ लाख ८० हजार रुपैयाँ वितरण गरेको र भोली आइतबार सम्ममा सबै मृतकका परिवारलाई प्रहरीले नै राहत वितरण गर्ने रोठोरले बताउनु भयो। आफुहरुको पहलमा समाजसेवी दुर्गा कुमारी कार्कीले प्रहरी मार्फत नै दिने भनेपछि आफुहरुले नै वितरण गरेको उहाँको भनाई छ।
