इन्द्रेणी संवाददाता
प्राविधिक शिक्षा तथा व्यावसायिक तालिम परिषद्(सीटीईभीटी)ले निःशुल्क प्राविधिक शिक्षा प्रदान गर्नका लागि आवेदन फाराम खुला गरेको छ ।
दलित, मुस्लिम, विपन्न र सीमान्तकृत समुदायका छात्रछात्रालाई प्राविधिक शिक्षामा विशेष छात्रवृत्ति कार्यक्रम अन्तर्गत प्रि–डिप्लोमा तथा डिप्लोमा तहका कार्यक्रमहरुमा निःशुल्क अध्ययन गर्न प्रवेश परीक्षाका लागि आवेदन फाराम खुला गरिएको सीटीईभीटीले बुधबार जारी गरेको सूचनामा उल्लेख छ ।
३६० जनालाई उपलब्ध गराइने यो कार्यक्रमका लागि भदौ २० गतेभित्र आवेदन फाराम बुझाउनुपर्नेछ । यस्तै प्रवेश परीक्षा भदौ २९ गते हुने सूचनामा उल्लेख छ ।
साभार लोकान्तरबाट
