काठमाडौं । केही दिनदेखि वदली र वर्षात भइरहेको मौसम आजदेखि क्रमिक सुधार भएको छ । आज गण्डकी प्रदेशका केही ठाउँमा हल्का पानी परेको छ ।
दिउँसो काठमाण्डौ उपत्यकासहित पहाडी भेगका थोरै ठाउँमा र तराईका एक, दुई ठाउँमा हल्कादेखि मध्यम खालको वर्षा हुने सम्भावना रहेको मौसम पूर्वानुमान महाशाखाले जनाएको छ ।
हिजो कोशी, बाग्मती, गण्डकी र लुम्बिनी प्रदेशका एक–दुई ठाउँमा मुसलधारे वर्षा भएको थियो । तर आज हिजोजस्तो ठूलो पानी पर्ने सम्भावना नरहेको महाशाखाले जनाएको छ ।
महाशाखाकाअनुसार पर्सि बुधवार धेरै ठाउँको मौसम सफा रहनेछ । केही स्थानमा भने आज पनि हल्का वर्षाको सम्भावना रहेको महाशाखाले जनाएको छ ।
