रेखा मगर
दाङ, ८ साउन
रोजगारीका लागि हाल साउदी अरबमा रहेका रोल्पा कुरेलीका स्रष्टा बाबुलाल ढाङढुङेको गजल कृति ’बिदेशिँदाको पीडा’को विमोचन गरिएको छ । नागी साहित्य परिषद् रोल्पाको आयोजनामा दाङको घोराहीमा आयोजित कार्यक्रममा विमोचन गरिएको हो ।
पुस्तकको वरिष्ठ साहित्यकार तथा पत्रकार नारायणप्रसाद शर्माले पुस्तकको विमोचन गर्नुभएको हो ।
रोल्पाली स्रष्टाहरुलाई गोलबन्द गर्न सक्ने तथा रोल्पाको साहित्यिक उन्नतिमा पृथक सम्भावना बोकेको एक साहित्यिक संस्था नागी साहित्य परिषदले पुस्तक विमोचन कार्यक्रम गरेको हो । आज घोराहीस्थित राप्ती साहित्य परिषद्को सभाकक्षमा पुस्तकको विमोचन गरिएको हो ।
साहित्यकार महेश आरोहीको अध्यक्षता तथा रवरिष्ठ साहित्यकार नारायण प्रसाद शर्माको प्रमुख आतिथ्यता र राप्तीसाहित्य परिषदका अध्यक्ष पुरुषोत्तम खनालको विशिष्ट आतिथ्यतामा पुस्तक विमोचन कार्यक्रम भएको हो । कार्यक्रमको सहजीकरण नागी साहित्य परिषद् रोल्पाका अध्यक्ष डम्वर वुढाले गर्नुभएको थियो ।।
