दाङ, ८ साउन
नेपाल मगर पत्रकार संघ दाङको प्रथम जिल्ला सम्मेलन आज घोराहीमा हुँदैछ । सम्मेलनको विहान ११ वजे नेपाल पत्रकार महाँसघको सभाहलमा उद्घाटन गरिने सचिव शान्त कुमार वुढा मगरले जानकारी दिनुभयो ।
सो अवसरमा युबा बैज्ञानिक मार्शल रोका, महिला उद्यमी प्रेमकुमारी पुन र मिष्टर पपुलर अवार्ड जित्न सफल सौगात घर्ती मगरलाइ सम्मान गरिने भएको छ ।
तीनै जना व्यक्तिहरुले मगर समुदायको प्रतिनिधित्व गर्दै सफल र उदाहरणीय काम गरेकोमा उच्च मुल्याँकन गर्दै संघले सम्मान गर्न लागेको हो । सम्मेलनले नयाँ नेतृत्व चयन गर्नेछ । साथै सम्मेलन उद्घाटन सत्रमा सहभागिताका लागी संघले पत्रकार, मगर अगुवाहरुलाइ आग्रह समेत गरेको छ ।।
