इन्द्रेणी संवाददाता
देउखुरी, ३० चैत्र
देउखुरीको गंगापरस्पुर गाबिस वडा नम्बर ८ बाँकी र वडा नम्बर ६ खजरौटा गाँउमा भिषण आगलागी हुदा ५७ जना ब्यक्तिको घर गोठ जलेको प्रारम्भिक अनुमान गरिएको छ । हिजो अपरान्ह ४ बजेपछिबाट लागेको आगोले अहिले सम्मको प्रारम्भिक जानकारी अनुसार ५७ घरधुरीको घरगोठ जलेको अनुमान गरिएको छ । स्थानीय अगुवाहरुले दिएको जानकारीका आधारमा पिडितहरुको विवरण संकलन गरिएको हो ।
वेलुका सवा चार बजे एक गोठ वाट सुरु भएको आगोले वाँकीको चौधरी वस्ती र खज्रौटाको यादव वस्ती पूर्णरुपमा जलेर नष्ट भएको हो । आगो फैलनवाट अहिले रोकिएको छ । दाङका प्रमुख जिल्ला अधिकारी दिपक काफ्ले, स्थानीय विकास अधिकारी रमेश गौतम, दाङका निमित्त प्रहरी प्रमुख प्रकाश राज शर्मा लगाएतको टोली घटनास्थलमा पुगेको थियो ।
बाँकी गाउँमा चौधरी बस्ती र खजरौटामा यादब समुदायको बस्ती रहेको छ । संख्यात्मक हिसाबले एक सय बढी घरगोेठ जलेको छ । नेपाली सेना, नेपाल प्रहरी, शसस्त्र प्रहरी र स्थानियहरुले आगो नियन्त्रणमा खटिएका थिए । आगो नियन्त्रणका लागी दुई वटा दमकल प्रयोग गरिएको थियो । आगलागीवाट भएको क्षतिको एकीन बिबरण संकलन भइरहेको छ । यसैविच, जिल्ला दैवि प्रकोप उद्धार समितिको वैठकले अग्नीपीडितहरुको लागी राहतको वारेमा छलफल गर्दैछ । रेडक्रस लगाएत संघसंस्थाहरुले राहतका लागी तयारी थालेका छन ।
आगोले स्थानीय कृष्ण चौधरी, गूरुचरण चौधरी, शिउचरण चौधरी, सुर्वणमान चौधरी, रामदास चौधरी, ज्ञान बहादुर चौधरी, पुस्पत चौधरी, प्रर्शुराम चौधरीको घर जलेर नष्ट भएको छ । यसैगरी, मंगल चौधरी, शंकर चौधरी,रामचरण चौधरी, वालचरण चौधरी, पर्शुनारायण चौधरी, मान बहादुर चौधरी, शिउनाथ चौधरी, हरिराम चौधरी, शरिप्रसाद चौधरी, जित बहादुर चौधरी,अन्टुराम चौधरी, भागपती चौधरी, पतीराम चौधरी, तारालाल चौधरी, वोट बहादुर चौधरी, शिवराज चौधरी, धरम बहादुर चौधरी, ईसान चौधरी, सिताराम चौधरी, प्रकाश चौधरी, चितलाल चौधरी,अतिलाल चौधरी, विन्तीराम चौधरी, शिवचरण चौधरी, रामदास चौधरीको घर जलेर नष्ट भएको हो ।
यस्तै, गूरुदास यादव, गूरुदिन यादव,भगवानदास यादव,रामसम्पत यादव, रामलखन यादव, श्यामदास यादव, प्रेमदास यादव,गणेशराम यादव, हरदास यादव, रामशब्द पाठक, अर्जून यादव, महादेव यादव, तुल्सीराम यादव, जितराम यादव, रामसुमीरन यादव, केवलप्रसाद यादव,प्रेमलाल यादव, सालिकराम यादव,दिलाराम यादव, रामकुवेर यादव,विन्देदास यादव,विन्तीराम यादव, शहावदिन यादव र गोकुल प्रसाद यादवको घरगोठ जलेर नष्ट भएको हो ।।
