इन्द्रेणी संवाददाता
दाङ, २७ असार
विभिन्न अपराधिक क्रियाकलाप र विकृतिजन्य काममा संलग्नलाइ पक्राउ गर्दै आएको दाङ प्रहरीले घोराहीबाट फेरी पनि ५ जुवाडेलाइ नियन्त्रणमा लिएको छ । 
घोराही नगरपालिका १० सगरमाथा टोलमा इन्द्रध्वज पुरीले आफ्नै घरमा जुवा खेलाईरहेको अबस्थामा फेला पारेपछि पुरी सहित ५ जनालाई नियन्त्रणमा लिएको जिल्ला प्रहरी कार्यालय दाङले जनाएको छ । उनीहरुलाइ नगद १७ हजार ३ सय ४० रुपैयाँ सहित पक्राउ गरिएको हो ।
पक्राउ पर्नेहरुमा घोराही १० का रमेशकुमार बस्नेत, मोतीराम बुढा, प्रेमलाल बुढा, सुजन थापा र घरधनी पुरीलाई नियन्त्रणमा लिएको जनाएको छ । ६ गड्डी तास पनि उनिहरुको साथबाट बरामबद गरेको र उनिहरुलाई जुवा मुद्धामा आबस्यक कार्वाही थालेको दाङका प्रहरी प्रबक्ता डिएसपी प्रकाशराज शर्माले जानकारी दिनुभयो ।।
