काठमाडौं, १८ पुस। प्रहरीलाई ज्यान मार्ने धम्की दिने चरी समूहका गुण्डा राते भनिने सुजन श्रेष्ठलाई प्रहरीले पक्राउ गरेको छ । धादिङ त्रिपुरासुन्दरी गाउँपालिका–५ घर भई नयाँबजार बस्दै आएका श्रेष्ठलाई बिहीबार राती १० बजे ठमेलबाट पक्राउ गरिएको हो ।
महानगरीय अपराध महाशाखाको विशेष टोलीले रातेलाई पक्राउ गरेको हो । गत चैत १८ गते ठमेलको एलओडी क्लबमा रेम्बो भन्ने अजय गुरुङ र रातेले काठमाडौँ महानगरपालिका–२६ ठमेलमा बस्दै आएका विष्णु कठायतमाथि आक्रमण गरेका थिए । अजय भने अझै फरार रहेका छन् ।
