दिपक बोहरा
तुलसीपुर २३ असार ।
ट्राफिक प्रहरी कार्यालय तुलसीपुरले चालु आर्थिक बर्षको अहिलेसम्म सवारी कारबाहीबाट करिब २० लाख राजस्व संकलन गरेको छ । चालु आर्थिक बर्ष २०७२÷०७३ को अहिलेसम्म ६६ हजार ९ सय ७२ सवारी कारबाहीबाट १९ लाख ८८ हजार राजस्व संकलन भएको ट्राफिक कार्यलय तुलसीपुरका अभिलेख शाखाका लक्ष्मण ज्ञवालीले जानकारी दिए ।
यो तथ्याङ्कलाई हेर्ने हो भने गत आर्थिक बर्ष बराबर राजस्व यो आर्थिक बर्षमा संकलन नहुने उनले बताए । गत आर्थिक बर्ष २०७१÷०७२ मा २४ लाख ९४ हजार राजस्व संकलन भएको थियो । उनका अनुसार मधेस आन्दोलन र भारतको अघोषित नाकाबन्दीले गर्दा पेट्रोलियम पदार्थको अभाब भएसंगै सडकमा गाडीको चाप कम भएकाले राजस्व संकलनमा कमी आएको हो ।
लामो समयसम्म मधेस आन्दोलन र अघोषित नाकाबन्दीले गर्दा बजारमा पेट्रोलियम पदार्थको आयात नहुदा सडकमा गाडीको चाप घटेको थियो । चालु आर्थिक बर्षको साउनमा ७ सय सवारी कारबाही र १२ मापसेबाट रु १ लाख ९४ हजार ६ सय राजस्व संकलन भएको थियो भने भदौमा ४ सय सवारी कारबाही र ७ मापसेबाट रु १ लाख १३ हजार, असोजमा ६ सय ५० सवारी र १६ मापसेबाट रु १ लाख ६४ हजार १ सय, कार्तिकमा ४ सय ५० सवारी कारबाही र ४ मापसेबाट रु १ लाख ४१ हजार राजस्व संकलन भएको छ ।
त्यस्तै मंसिरमा ५ सय ५० सवारी कारबाही र ४ मापसेबाट रु १ लाख २३ हजार ८ सय, पुसमा ७ सय सवारी कारबाही र ३ मापसेबाट रु १ लाख ३५ हजार ५ सय, माघमा ८ सय ५० सवारी कारबाही र २ मापसेबाट रु १ लाख ८२ हजार, फागुनमा ८ सय ५० सवारी कारबाही र ७ मापसेबाट रु १ लाख ८९ हजार ९ सय राजस्व संकलन भएको ज्ञवालीले जानकारी दिए । यसैगरी चैत्रमा १ हजार १ सय ५० सवारी साधन र ९ मापसेबाट रु दुई लाख ६१ हजार ८ सय, बैशाखमा एक हजार १ सय ८ र २ मापसेबाट रु २ लाख ४० हजार २ सय, जेठमा ४ सय ६६ सवारी कारबाही र १ मापसेबाट रु २ लाख ८३ हजार ३ सय तथा असारको अहिलेसम्म २ सय ७ सवारी कारबाहीबाट १ लाख ८० हजार राजस्व संकलन भएको अभिलेख शाखाका ज्ञवालीले बताए ।
३८ सवारी दुर्घटनामा २३ को मृत्यू
चालु आर्थिक बर्षको अहिलेसम्म तुलसीपुर क्षेत्रमा ३८ सवारी दुर्घटना हुदा २३ जनाको मृत्यू भएको ट्राफिक प्रहरी कार्यालय तुलसीपुरको तथ्याङ्कमा छ । जसमा ३५ जना गम्भिर घाईते भएका छन् भने ६४ सामान्य प्रकृतिका घाईते भएको ट्राफिक प्रहरी कार्यालय तुलसीपुरका अभिलेख शाखाका ज्ञवालीले जानकारी दिए ।
दुर्घटना न्युनिकरण गर्न अभियान जारी
यसैबीच ट्राफिक प्रहरी कार्यालय तुलसीपुरले दुर्घटना न्युनिकरण गर्न बिभिन्न चेतनामूलक कार्यक्रम गरेको जनाएको छ । ट्राफिक कार्यालय तुलसीपुरका प्रमुख रामप्रसाद पोख्रलेले दिएको जानकारी अनुसार अहिलेसम्म बिभिन्न स्थानमा जनचेतनका कार्यक्रम, बिद्यालयमा पुगेर बिद्यार्थीलाई ट्राफिक नियम बारे जानकारी र पैदल यात्रीलाई सडक प्रयोग गर्दा ध्यान दिनुपर्ने कुराहरुका बारेमा जानकारी दिईएको छ ।
ट्राफिक नियम सम्बन्धी महिनामा १÷२ पटक चेतनामूलक जानकारी, स्कुल जनसम्पर्क अन्तर्गत तुलसीपुरका सबै बिद्यालय, उरहरी, सितलपुर, रक्षाचौर, हलवार, बाघमारेका सबै बिद्यालयमा बिद्यार्थीहरुलाई ट्राफिक नियम बारे जानकारी गराईएको उनले जानकारी दिए । यस्तै ब्यस्त सडकमा पैदल यात्रुका लागि चेतनामूलक पोष्टर टा“सिनुका साथै पम्पलेट पनि वितरण गरिएको उनले जानकारी दि
