इन्द्रेणी संवाददाता
दाङ, २० असार
दाङ तुलसीपुरको एक रेष्टुरेन्टवाट १६ जना जुवाडेहरुलाइ प्रहरीले पक्राउ गरेको छ । ईलाका प्रहरी कार्यालय तुलसीपुरले रेष्टुरेन्टमा जम्मा भइ जुवा खेलिरहेका युवाहरुलाइ ७२ हजार ३ सय ३० रुपैयाँसहित पक्राउ गरेको हो । 
पक्राउ पर्नेमा रेशम भण्डारी, यज्ञ केसी, सुनव चौधरी, रामशरण थापा, लाल वहादुर वली, रेवति वोहोरा, जुद्धवहादुर थापा, राज जिसी, विनोद चौधरी, राजेश वाहोरा, अमरराज कंडेल, तेज वहादुर खड्का र राम वहादुर जिसी रहेको दाङका प्रहरी प्रवक्ता डिएसपी प्रकाशराज शर्माले जानकारी दिनुभएको छ ।
प्युठान घर भएका राम वहादुर जिसीले आफ्नै रेष्टरेन्टमा जुवा खेलाइरहेको अवस्थामा प्रहरीले उनीहरुलाइ पक्राउ गरेको हो । उनीहरुलाइ अदालतवाट म्याद थप गरि थप अुनसन्धानका लागि थुनामा राखिएको छ ।
तुलसीपुरको न्यू होटेल हिमालमा प्रहरीले छापा मार्ने क्रममा जुवाडेहरुलाइ पक्राउ गरेको हो । यसअघि गत शनिवार मात्रै दाङको तुलसीपुर र घोराही क्षेत्र वाटै एकै दिन प्रहरीले २१ जुवाडे पक्राउ गरेको थियो ।।
