तुलसीपुरवाट फेरि प्रहरीले जुवाडे पक्राउ गरेको छ । तुलसीपुरको गुम्रराह चौक नजिक जुवा खेलिरहेको अवस्थामा शनिवार साँझ नौं जना जुवाडेलाई पक्राउ गरिएको प्रहरीले जनाएको छ । तर उनीहरु को –को हुन र उनीहरुको साथ बाट कति रकम बरामद भएको थियो भन्ने वारेमा भने प्रहरीले केही खुलाउन चाहेन ।
तर पक्राउ परेका व्यक्तिका आफन्तले प्रहरीले शनिवारका दिन समेत सामान्य मनोरञ्जन गर्न समेत प्रतिवन्ध लगाउन खोजेको आरोप लगाएका छन् । सामान्य रुपमा साथिहरु मिलेर तास खेल्दै गरेको समयमा प्रहरीले अनाहकमा पक्राउ गरेको ती व्यक्तिले गुनासो गरे । पक्राउ परेका सबै जुवाडे यो खबर तयार पार्दा सम्म ईलाका प्रहरी कार्यालय तुलसीपुरमै थुनेर राखेको पनि प्रहरीले जनाएको छ ।
