५, असार, सल्यान ।
सल्यान देवस्थलस्थित भेरी नदीमा बस खसेको छ ।
भेरी राप्ती यातायातको ना ४ ख ५९४४ नम्बरको बस देवस्थल ६ आम्रा भन्ने स्थानमा सडकबाट करिव १ सय मिटर तल भेरी नदीमा खसेको जिल्ला प्रहरी कार्यालय सल्यानले जनाएको छ ।
आज विहान करिव ६ः३५ बजेतिरको समयमा सुर्खेत धारपानीबाट सल्लीबजार–नेपालगञ्जको क्युका लागि जाँँदै गर्दा बस नदीमा खसेको जिल्ला प्रहरी प्रमुख डीएसपी श्याम खत्रीले जनाए ।
बससँगै नदीमा डुबेका बसका चालक, गाडी धनी र सहचालकलाई नेपाल प्रहरी तथा नेपाली सेनाले उद्धार गरि अस्पताल र्पुयाएको खत्रीले जानकारी दिए । उनीहरुको उपचार भइरहेको छ ।
बसमा यात्रु नभएकाले ठूलो क्षती हुन पाएन । गाडी अझै नदीमै रहेको प्रहरीले जनाएको छ ।।
