इन्द्रेणी संवाददाता
दाङ, १३ मंसिर । उपप्रधानमन्त्री तथा दाङ क्षेत्र नं. २ प्रतिनिधिसभा सदस्यका उम्मेदवार कृष्णबहादुर महराले मंगलवार दाङको तुलसीपुरमा भएको बम विष्फोटमा ज्यान गुमाएका विनोद चौधरीप्रति श्रद्धाञ्जली  व्यक्त गरेका छन् ।

krishna bdr mahara 960महराले आज बुधवार एक विज्ञप्ति जारी गरी बम विष्फोटमा परी गम्भीर घाइते भएका तुलसीपुर–१८ का विनोद चौधरीको उपचारका क्रममा गएराति कोहलपुरमा निधन भएकाले मृतक चौधरीप्रति श्रद्धाञ्जली व्यक्त गर्दै यो घटना अत्यन्त दुुुु:खद तथा निन्दनीय भएको बताएका छन् ।

साथै मृतक चौधरीको शोकाकुल परिवारजन प्रति धैर्यधारण गर्ने शक्ति  प्रदान होस् भन्दै देशमा लोकतन्त्र स्थापनापछि संघीय संरचना अनुसार पहिलो पटक हुन लागेको प्रदेश र प्रतिनिधि सभाले मुलकमा स्थिर राजनीति स्थापना गर्दै मुलुकलाई संमृद्धिको दिशातर्फ लैजाने निर्वाचनलाई असर पर्ने गरी यस्ता अराजनीतिक र अराजक गतिविधि नगर्न पनि सम्बन्धित पक्षलाई महराले विज्ञप्तिमार्फत अपिल गरेका छन् ।

विज्ञप्तिमा बम विष्फोटबाट घाइतेहरुको शिघ्र स्वास्थ्यलाभको कामना गरिएको छ भने जिल्लाको शान्ति सुरक्षालाई चुस्तदुरुस्त बनाउन स्थानीय प्रहरी प्रशासनलाई पनि निर्देशन दिइएको छ ।