इन्द्रेणी संवाददाता
दाङ, ८ असोज । दाङ जिल्ला उद्योग वाणिज्य संघले नेपाल पर्यटन पत्रकार संघ (एन्टोज) को नवनिर्वाचित केन्द्रीय समितिलाई स्वागत तथा सम्मान गरेको छ ।
आज संघको कार्यालयमा औपचारिक कार्यक्रमको आयोजना गरी पर्यटन पत्रकार संघका केन्द्रीय अध्यक्ष धनिराम शर्मा, महासचिव केशरमान बुढाथोकी, कोषाध्यक्ष उदय बीसी र सदस्य रेखा मगरलाई स्वागत तथा सम्मान गरिएको हो ।
कार्यक्रममा उवासंघका अध्यक्ष नारायणप्रुाद भुसाल, उपाध्यक्ष वसन्तराज जोशीलगायतका पदाधिकारीहरुले अविर र खादाले सम्मान गरेका थिए । कार्यक्रममा एन्टोजका अध्यक्ष धनिराम शर्माले दाङ पर्यटन क्षेत्रको विकासको सम्भावित जिल्ला भएको र यहाँको पर्यटन विकासका लागि नेपाल पर्यटन पत्रकार संघ सबै उद्योग वाणिज्य संघलगायत विषयगत संघ संस्थाहरुसँग हातेमालो गरेर अघि वढ्ने बताए ।
दाङ जिल्ला उद्योग वाणिज्य संघका उपाध्यक्ष वसन्तराज जोशीको स्वागत मन्तव्यबाट शुरु भएको कार्यक्रमको सहजीकरण सदस्य मिनराज भाटले गरेका थिए । असोज ४ र ५ गते वर्दियाको ठाकुरद्धारामा सम्पन्न प्रथम राष्ट्रिय महाधिवेशनबाट नेपाल पर्यटन पत्रकार संघको नयाँ कार्यसमिति चयन भएको थियो ।
