फेरि मन्त्री थप्ने कसरतमा देउवा

काठमाडौं, २५ भदौ । जम्वो मन्त्रिपरिषद बनाएको आलोचना खेपिरहेको प्रधानमन्त्री शेरबहादुर देउवा फेरि मन्त्रिपरिषद विस्तार गर्ने कसरतमा जुटेका छन् । उनी राप्रपा प्रजातान्त्रिकको तर्फबाट केही मन्त्री थप गर्दै मन्त्रिपरिषद विस्तार गर्ने तरखरमा छन् ।

हाल देउवाले उद्योग, वन तथा भूसंरक्षण, विज्ञान तथा प्रविधि र शान्ति तथा पुनर्निर्माण मन्त्रालय आफैले समालेका छन् । यी मन्त्रालयहरु मध्येबाट तीन मन्त्रालय राप्रपालाई दिने तयारी भइरहेको स्रोतले जनाएको छ ।