तुलसीपुर जेठ १ गते । तुलसीपुरलाई सफा र हराभरा नगरका रुपमा विकास गर्ने उद्देश्यले तुलसीपुर उद्योग वाणिज्य संघले सञ्चालन गरेको क्लिन तुलसीपुर ग्रीन तुलसीपुरको भोली ३९ औ हप्ताको कार्यक्रमको नेतृत्व तुलसीपुरमा रहेको ज्ञानदिप कलेजले गर्ने भएको छ । कलेजमा अध्ययनरत विएस्सी, विविएस र विएमा अध्ययनरत २०० विद्यार्थीहरुको सहभागिता रहने संयोजक शरद गौतमले जानकारी दिनुभयो । नगर सफा राख्ने हरेक नागरिकको दायित्व हुनुका साथै विद्यार्थीहरुमा सामाजिक उत्तरदायित्वको भावना विकसीत गराउनका लागि कलेजले अभियानको नेतृत्व गर्न थालेको कलेज प्रमुख सुरेन्द्र जिसीले वताउनु भयो ।
