कर्मा प्रोडक्शनको निर्माणमा निर्मीत चलचित्र ‘तीन घुम्ती’को ट्रेलर सार्वजनिक भएको छ । बाबुराम ढकाल द्वारा निर्देशीत उक्त चलचित्रको काठमाण्डौमा एक कार्यक्रमको आयोजना गर्दै २ गीत र ट्रेलर रिलिज गरिएको छ । चलचित्रका मुख्य ३ कलाकार गरिमा पन्त, ध्रुव दत्त र सुशान्त कार्की ट्रेलरमा देखिएका छन् । ट्रेलरमा नायिका पन्तको क्यारेक्टर पावरफूल देखिएको छ । एक महिलाको २ पुरुषसँगको प्रेमलाई चलचित्रमा देखाइएको छ । प्रजातन्त्रका लागि गरिएको विद्रोह पनि ट्रेलरमा समावेश छ । स्वर्गिय साहित्यकार वीपी कोइरालाको चर्चित कृती ‘तीन घुम्ती’मा आधारित रहेर यो चलचित्र बनाइएको हो । कर्मा प्रोडक्शनले यो चलचित्रलाई निर्माण गरेका हो । असार १७ गतेबाट यो चलचित्र देशभर रिलिज हुँदैछ ।
