इन्द्रेणी संवाददाता
देउखुरी, १३ बैशाख ।
देउखुरीको कर्रि सामुदायीक वन क्षेत्रमा अतिक्रमण गरी घर टहरा वनाउने क्रम वढीरहेको छ । सतवरीया गाविसको कमानपुरमा रहेको सम्राट सिमेन्ट उद्योगलाई जग्गा विक्रि गरी स्थानीयले सामुदायिक वनको जग्गा कब्जा गरी घर टहरा वनाउन थालेको सामुदायीक वन समुहका अध्यक्ष कृष्ण खत्रिले वताउनु भयो ।
सामुदायीक वनमा सिमेन्ट उद्योगलाई जग्गा विक्रि गरेका चार ब्यक्तिले घर वनाएका सामुदायीक वनको जग्गा अतिक्रमण गरी घर टहरा वनाउन थालेपछी सामुदायिक वनले अतिक्रमण ब्यवस्थापनको विषयमा छलफल थालेको छ । मालपोत, भुमिसुधार कार्यालय, सुरक्षा निकाय, राजनैतिक दलको विचमा अतिक्रमण ब्यवस्थापन गर्न छलफल गरिएको छ ।
अतिक्रमण ब्यवस्थापन गर्न थप निर्णयमा पुग्न पुनः छलफल गर्ने योजना वनेको छ । कर्रि सामुदायीक वनको प्लट नं. १ र २ अतिक्रमित छ । २०६४ सालमा सुकुम्वासीको नाममा सामुदायिक वनको जग्गा अतिक्रमण भएको हो । सामुदायिक वन दर्ता हुनु अघि वन क्षेत्रमा ५ वटा घर वनेका थिए ।
६ सय २६ हेक्टर क्षेत्रफलमा फैलीएको वन अहिले अतिक्रमण पछी ५ सय हेक्टर मात्रै जंगल छ । सुकुम्वासीले अतिक्रमण गरेको जग्गामा भुमिसुधार कार्यालय दाङले ४६ जनालाई कित्ता काट गरेर प्रति ब्यक्ति ५ कट्ठाको दरले जग्गा उपलब्ध गराउन पुर्जा समेत वितरण गरेको थियो । तर, सो स्थानमा लालपुर्जा प्राप्तगरेका सुकुम्वासीले जग्गा उपभोग गर्न पाएनन् ।
जग्गा अतिक्रमण गरी वसेका छुट मुक्त कमैयाँहरुले पुर्जा प्राप्त सुकुम्वासीहरुलाई जग्गा छोडेनन् । कर्रि सामुदायीक वन जग्गामा वसोवास नपाएका सुकुम्वासीहरु मध्य २८ घर धुरीलाई दाङको सुनपुरमा जग्गा खरिद गरेर वसोवासको ब्यवस्था गरिएको भुमिसुधार कार्यालय दाङका कमैया शाखाका सुपरभाईजर हरिप्रसाद चौधरीले वताउनु भयो ।।
