सल्यान, ५ पुस । सल्यानका विभिन्न ठाउँमा आज एमाले तथा एमालेका विभिन्न भातृ संगठनका कार्यकर्ताहरुले चक्काजाम गर्दै नागरिकको सुरक्षा गर्न नसक्ने प्रधानमन्त्री र गृहमन्त्रीको राजीनामा माग गरेका छन् ।
युवा संघ रुपन्देहीका अध्यक्ष दुर्गा तिवारीको गोली हानी हत्या भएको विरोधमा दिउँसो १ बजेदेखि २ बजेसम्म भएको चक्काजाम कार्यक्रममा एमाले कार्यकर्ताहरुले राजीनामाको माग गरेका हुन् ।
उनीहरुले घटनाको सत्यतथ्य छानविन गरि दोषिमाथि कडा कारवाहीको माग समेत गरे ।
