डोटी, २० मंसिर । डोटीको लाटोमाण्डौ गाविसमा जीपबाट खसेर एक बालिकाको ज्यान गएको छ ।
से १ ज ६१६ नम्बरको जीपबाट खसेर लाटामाण्डौ–३ की ९ वर्षकी शिला बलायरको ज्यान गएको जिल्ला ट्राफिक प्रहरी कार्यालय दिपायलका प्रमुख तेजबहादुर साउदले बताए ।
दिपायलबाट डडेल्धुराका लागि छुटेको जीपबाट शिला गएराति खसेर घाइते भएको र उनको दिपायल स्थित शैलेस्वरी अस्पतालमा उपचार गरी थप उपचारका लागि कैलाली लैजाँदै गर्दा आज ज्यान गएको हो ।
