इन्द्रेणी संवाददाता
दाङ ६ जेठ
तुलसीपुरमा आज ३१ जनाले रक्तदान गरेका छन । दाङमा रगतको अभाव हुन नदिन ‘रक्तदान जिवन दान’ भन्ने सन्देशका साथ तुलसीपुर नगर जेसीजले आज आयोजना गरेको कार्यक्रममा ३१ जनाले रक्तदान गरेका हुन । जेसीज सप्ताह अन्तरगत जेसिजले आज रक्तदान कार्यक्रम गरेको थियो ।
तुलसीपुर नगर जेसीजका अध्यक्ष सुर्यप्रसाद शर्माको अध्यक्षता तथा जिल्ला जनस्वास्थ्य प्रमुख डा. भुवन पौडेलको प्रमुख आतिथ्य अनि प्रजातान्त्रीक उद्योग व्यवसायी संघका अध्यक्ष जनक खरालको विशिष्ट आतिथ्यमा रक्तदान भएको थियो ।
रक्तदानमा जेसीजका पदाधिकारी, विभिन्न विद्यालय तथा सुरक्षा निकायका प्रतिनिधिहरुले रक्तदान गरेको कार्यक्रम संयोजक झलक केसीले जानकारी दिनुभयो । रक्तसञ्चार सेवा दाङका प्राविधिकहरु ठाकुर पौडेलको नेतृत्वमा भुपेन्द्र केसी, सुरज ज्ञवाली वुद्धि सापकोटा लगायतको टोलिले प्राविधिक सहयोग गर्नुभएको थियो ।।
