इन्द्रेणी संवाददाता
घोराही ११, मंसिर । घोराही नगरपालिका अन्तरगत तल्लोरतनरपुरका विकाश नगर र जनप्रतिभा टोल विकास संस्थाहरु आफ्नो गाउँ समाज र टोललाई हरियाली र सफा टोल बनाउन कम्मर कसेर लागेका छन।
दुवै टोलका सवै टोलबासी मिलेर आफ्नो टोलका मुख्य सडकहरुमा दर्जनौ विभिन्न प्रजातिका विरुवा रोपेर संरक्षण अभियानमा लागेको विकास नगर टोलका अध्यक्ष घनश्याम गिरीले बताए ।
वर्षाताको समयमा विरुवा रोप्ने तर संरक्षणको अभावमा हिउँदमा विरुवा मर्ने वा कशैले उखेलेर फाल्ने समस्यालाई मध्य नजर गर्दै जसको घर अगाडि बिरुवा छ उसैलाई सो विरुवा संरक्षणको जिम्मा दिएको जनप्रतिभा टोल विकास संस्थाका अध्यक्ष सनम केसीले जानकारी दिए ।
दुवै टोलविकास संस्थाले केही महिना अगाडि नगरपालिकाको लागत सहभागितामा सहकार्यमा सडक पीच सम्पन्न गरेर सडक वरपर विभिनन प्रजातिका विरुवा रोपेका छन । पहिले दुवै टोल एकै भए पनि बढ्दो जनसंख्याको चापका कारण दुईवटा टोल हुन पुगेको तर धेरै जसो सामाजिक कामहरु संयुक्त रुपमा नै गर्दै आएको टोलका संस्थापक अध्यक्ष भोपलाल रोकाले बताए ।
यसैगरी आफ्ना टोलका सडक र टोलबासीको घर अगाडि फोहोर हुन नदिन सडक सरसफाई अभियान पनि सञ्चालन गर्ने गरेको उनीहरुको भनाई छ । गल्ने फोहोरलाई मलखाद वा खाल्टो खनेर गाड्न लगाउने र अन्य फोहोरलाई डस्टविन बनाएर राख्न टोलबासीलाई अनुरोध गरेको उनीहरुले बताए ।
अहिले सो टोलमा नगरपालिकाले फोहोर संकलन गर्ने भाँडा नराख्दिएको र फोहोर उठाउन गाडि पनि नपठाउने भएकाले केहि समसया भएकाले नगरपालिकालाई गाडि पठाएर सहयोग गरिदिन र फोहोर फाल्ने भाँडा राखिदिन टोलबासीले आग्रह गरेका छन ।
यसैगरी विकास नगर टोल विकास संस्थाले हरियाली टोल अभियान अन्तर्गत शनिवार आफ्ना टोल क्षेत्रमा रोपिएका सवै विरुवामा पानी सिचाई गरेको छ । वर्षातमा रोपिएका विरुवा नमरुन भन्ने उद्देश्यले सवै विरुवामा सिचाई गरिएको टोलका अध्यक्ष घनश्याम गिरीले जानकारी दिए ।
टोल विकास संस्थामा बसोबास गर्ने ८९ बढी टोलबासीको अगुवाईमा सवै विरुवामा सिचाई गरिएको थियो । यसैगरी विरुवालाई हुर्काउनका लागि सवै विरुवामा मल पनि राखिएको छ । २५ हजार बढी रुपैयाँको गाईभैसीको प्राङगारीक मल राखिएको गिरीले जानकारी दिए ।
