धनकुटा, मंसिर २ धनकुटाको मुलघाट स्थित तमोर नदीमा पौडी खेल्ने गएका एक बालक बेपत्ता भएका छन् । बुढीमोरङ्ग–७ का ऋषीमान राईका १६ वर्षीय छोरा गंगा राई तमोर नदीमा बेपत्ता भएको जिल्ला प्रहरी कार्यालय धनकुटाले जनाएको छ ।
प्रहरीका अनुसार गंगा भतिजा नाता पर्ने १३ वर्षका सौरभ राईसँगै नदीमा पौडी खेल्न गएका थिए । पौडी खेल्ने क्रममा गंगा बेपत्ता भएपछि तत्कालै प्रहरी र स्थानीय बासिन्दाले खाजी गरे पनि फेला पार्न नसकेको मुलघाट प्रहरी चौकीका प्रहरी सहायक निरीक्षक राजेशकुमार श्रेष्ठले बताउनुभयो ।
