तुलसीपुर २८ कात्तिक । तुलसीपुर १० कात्तिके निवासी ३३ वर्षिय लोकराज केसीको मलेसियामा मृत्यु भएको छ । शनिववार साँझ मलेसीयाको कोलालामपुर स्थीत आफनै डेरामा केसीको मृत्यु भएको हो ।
केहि दिन देखि विरामी भएका केसी डेरामै रहेका वेला मृत्यु भएको उनका दाजु मिनवहादुर केसीले जानकारी दिए । डेढवर्ष अघि रोजगारीको शिलशिलामा मलेसिया पुगेका मृतक केसीको आश्रयमा एक छोरा, एक छोरी र श्रीमति रहेको जनाईएको छ ।
मृतकको अन्तिम दाहसंस्कारका लागि शव नेपाल ल्याउनका लागि परराष्ट्र मन्त्रालयको सिफारीस आवश्यक पर्ने भएकाले ढिलो भईरहेको मृतकका दाजु मिनवहादुरले बताए ।
आइतवारको नेपाल वन्दका कारण शव नेपाल झिकाउन आवश्यक कागजात तयारीका लागि जिल्ला प्रशासन कार्यालय जान नसकिएको केसीको पारीवारीक श्रोतले वताएको छ ।
