तुलसीपुर २२ कात्तिक । श्रीगाउँ–४ प्रसुडुवा निवासी वासुदेव चौधरीको २३ कठ्ठा जग्गाको धान दाउने क्रममा ट्रेक्टरको साइलेन्सर पाईपमा पराल परी आगलागी हुँदा ३० हजार बढीको धानवाली नष्ट भएको स्थानीय प्रविण चौधरीले जानकारी दिए ।
बिहानैदेखि धान दाइरहेको रा १ त १६९० नम्वरको ट्रेक्टरमा एक्कासी एक बजेतिर आगो निस्किएपछि दाएको १० क्वीन्टल धान र २३ कठ्ठा जग्गाको पराल पूर्णरुपमा नष्टभएको जनाईएको छ ।
आगलागीका कारण ट्रेक्टरको अगाडि भाग र थ्रेसरको पछाडिको भाग पूर्णरुपमा जलेको स्थानीय प्रविण चौधरीले बताए । आगलागीबाट ट्रेकटरमा के कति क्षति पुग्यो त्यो भने एकीन गर्न नसकिएको उनले बताए ।
अकस्मात लागेको आगो स्थानीय गाउँलेहरुले एक घण्टा पछाडि नजिकैको नहरबाट पानी ल्याएर नियन्त्रणमा ल्याएको जनाईएको छ ।
