विश्वको सबैभन्दा धेरै जनसंख्या भएको देश चीनमा कतिले प्रयोग गर्छन होला कार तपाइँ अनुमान गर्न सक्नुहुन्छ ? सन् २०१६ को सेप्टेम्बर अन्त्यसम्म चिनियाँ सरकारी तथ्यांकलाई हेर्ने हो भने झण्डै नेपालको जनसंख्याको हाराहारिमा चीनका नागरिकले कार प्रयोग गरेको पाइएको छ । सन् २०१६ को सेप्टेम्बर अन्त्यसम्म चिनियाँ सरकारले चीनभर जम्मा एक करोड ९० लाख कार प्रयोगकर्ता रहेको जनाएको छ ।
चीनभर प्रयोगमा आएका जम्मा इन्धन र इन्जिनबाट सञ्चालन हुने यातायात दुई करोड ८० लाखमध्ये कारको सङ्ख्या एक करोड ९० लाख पुगेको चीनको सार्वजनिक सुरक्षा मन्त्रालयद्धारा जारी विज्ञप्तिमा उल्लेख गरिएको छ ।
मन्त्रालयको ट्राफिक व्यवस्थापन विभागद्वारा जारी उक्त विज्ञप्तिमा आर्थिक वर्षको तेस्रो चौमासिकमा थप ६१ लाख ८० हजार कार दर्ताका लागि आवेदन परेको बताइएको छ । यस वर्ष दर्ताका लागि निवेदन सङ्ख्यामा २४ दशमलव २ प्रतिशतले वृद्धि भएको मन्त्रालयको तथ्याङ्क छ ।
