नेपाली कांग्रेसको आयोजनामा सौडियार ९ सिसहनियामा अन्तरक्र्रिया कार्यक्रम सम्पन्न भएको छ । नमुना थारु ग्रामका अध्यक्ष बेझलाल चौधरीको अध्यक्षता एवं सांसद राजु खनालको प्रमुख आतिथ्यमा कार्यक्रम भएको थियो ।
कार्यक्रममा सौडियारका ५० घरपरिवारका ७५ जना चौधरी समुदायका व्यक्तीहरु नेकपा एमाले परित्याग गरि कांग्रेसमा प्रवेश गरेका थिए । उनीहरुलाई सांसद खनालले कांग्रेसको सदस्यता सदस्यता प्रदान गनुृभएको थियो । कार्यक्रममा बोल्दै उहाँले यस क्षेत्रको विकालागी आफू लागिपरेको भन्दै पार्टि सुदृढिकरणकालागी लाग्न कार्यकर्ताहरुलाई अनुरोध गर्नुभयो ।
कार्यक्रममा कांग्रेस क्षेत्र नम्बर ३ का सभापति भुपबहादुर डाँगीले पार्टि प्रवेश गरेकाहरुलाई स्वागत गर्दै सुखदुखमा साथ दिने बताउनुभयो । उहाँले पार्टि प्रवेश गरेकाहरुलाई क्रियाशील भएर लाग्न अनुरोध गर्नुभयो ।
तरुण दलका जिल्ला सदस्य बिरबहादुर खत्री (विरु) ले युवाहरु निर्वाध रुपमा कांग्रेसमा प्रवेश गरि तरुण दलमा आवद्ध हुन आग्रह गर्नुभयो । कार्यक्रममा कांग्रेस नेता भिमप्रकाश खड्का, क्षेत्रीय सचिव कमल गौतम, क्षेत्रीय सदस्य रेखबहादुर वलीले मन्तव्य राख्नुभएको थियो । त्यस अवसरमा नन्नबहादुर चौधरी, सन्तोष चौधरी, तिलक चौधरी र रामलाल चौधरीको नेतृत्वमा ७५ जना पार्टि प्रवेश गरेका थिए ।
