सिसहनियाँ २४ वैशाख ।

शंकर सामुदायिक वन उपभोक्ता समुह सिसहनियाँ ४ पिपरीलाई शुन्य चरिचरन क्षेत्र घोषणा गरिएको छ । वन संरक्षण गर्न र बढ्दो जलवायु परिवर्तन न्युनीकरण गर्न नर्ती सामुदायिक वन समन्वय समिति र सामुदायिक वनको संयुक्त आयोजनामा वनलाई शुन्य चरिचरन क्षेत्र घोषणा गरिएको हो ।feature

वन क्षेत्रको ४९९.२७ हेक्टर क्षेत्रफल रहेको सामुदायिक वनलाई प्रमुख अतिथि जिल्ला वन कार्यालय दाङका वन अधिकृत नवराज काफलेले वन क्षेत्रलाई शुन्य चरिचरन क्षेत्र घोषणा गर्नुभएको हो । शंकर सामुदायिक वन उपभोक्ता समुहका अध्यक्ष तुलाध्वज मल्लको अध्यक्षता एवम् जिल्ला वन कार्यालय दाङका वन अधिकृत नवराज काफलेको प्रमुख आतिथ्यतामा कार्यक्रम भएको हो ।

कार्यक्रममा तराई भुपरिधि कार्यक्रम तालकी लक्ष्मी चौधरी, नर्ताी इलाका वन महासंघका अध्यक्ष हरि भुषाल, नर्ती सामुदायिक वन समन्वय समितिका अध्यक्ष टंकनाथ चौधरी, शंकर सामुदायिक वनका सल्लाहाकार खिमबहादुर केसी र पत्रकार ओमप्रकाश गुप्ता लगायतका वक्ताले बोल्नु भएको थियो । समन्वय समितिका उपाध्यक्ष लक्षमणपवन शर्माको स्वागत मन्तव्यबाट सुरु भएको कार्यक्रमको सञ्चालन समन्वय समितिका जिवलाल खनालले गर्नु भएको हो ।।