काठमाडौं, १० असोज । पूर्वगृहमन्त्री एवं पूर्वमुख्यसचिव माधवप्रसाद घिमिरेसहित सातजना चढेको गाडी हिजो दिउँसो ४ बजे पृथ्वीराजमार्गको दाह्रेचोक गाविस–३, घोप्टेभिरबाट त्रिशूली नदीमा खस्दा तीन जनाको मृत्यु भएको छ।
मृत्यु हुनेहरुमा घिमिरेकी आमा चैतन्यकुमारी, आफन्त रामचन्द्र कार्की र सुरक्षागार्ड सशस्त्र प्रहरीका प्रहरी सहायक निरीक्षक नारायण काफ्ले रहेको चितवन प्रहरीले जनाएको छ ।
घिमिरेसहित तीनजना बेपत्ता भएका छन् भने चालक विष्णु राई घाइते छन्। प्रहरीका अनुसार घिमिरेसहित तीनजना बेपत्ता छन्। मुक्तिनाथबाट पोखरा हुँदै काठमाडौँतर्फ जाँदै गरेको बा ९ च १५३१ नम्बरको स्करपियो गाडी दुर्घटनामा परेको थियो ।
घटनास्थलमा बेपत्ताको खोजी कार्य जारी रहेको प्रजिअ सिंहले बताएका छन्। खिलराज रेग्मी मन्त्रिपरिषदको अध्यक्ष हुँदा घिमिरे गृहमन्त्री थिए।
