तुलसीपुर , २५ भदौ । प्रहरीले आफु माथि आक्रमण गर्न खोज्ने ब्यक्तिहरुको समुहमाथि गोली चलाउदा दाङमा एक जना घाईते भएका छन् । हिजो राती साढे १२ बजेतिर घोराही तुलसीपुर सडक खण्डको ग्वारखोलामा गस्तिमा हिडिरहेका प्रहरी माथि आक्रमण गर्न खोज्ने पाँच समुह माथि प्रहरीले गोलि चलाएको थियो ।
प्रहरीले चलाएको गोली लागि रामपुर ९ निवासी २७ वर्षीय दानवहादुर बुढा घाईते भएको जिल्ला प्रहरी कार्यालय दाङका प्रमुख एसपी धिरजप्रताप सिंहले जानकारी दिनुभयो । एसपी सिंहका अनुसार उनीहरु आक्रमणमा उत्रिएपछि प्रतिरक्षाका लागि गोली चालाउनु परेको हो । दाहिने खुट्टामा गोली लागि घाईते भएका बुढाको अहिले राप्ती उपक्षेत्रीय अस्पताल घोराहीमा उपचार भईरहेको छ ।
आक्रमण गर्ने ब्यक्ति पक्राउ
यसैबिच प्रहरी माथि आक्रमण गर्न खोज्ने पाँच जनालाई दुई थान खुकुरी सहित पक्राउ गरिएको एसपी सिंहले जानकारी दिनुभयो । आक्रमणमा संलग्ना रहेको भन्दै प्रहरीले दाङ रामपुर ९ का २१ वर्षीय रमेश अधिकारी, सोही ठाँउकै क्रमशः १९ वर्षीय उपेन्द्र गिरी, २२ वर्षीय किरण पोख्रेल र तुलसीपुर १५ का सागर श्रेष्ठलाई पक्राउ गरेको जनाएको छ ।
एसपी सिंहले दिएको जानकारी अनुसार सागर होटेल ब्यबसायी हुन् । उनले कटेज सञ्चालन गरेका छन् ।
यस्तै प्रहरीले अनुसन्धानका लागि आज शनिबार बिहान थप एक जनालाई पक्राउ गरी अनुसन्धान थालेको जनाएको छ । दाङको विजौरीका ३५ वर्षीय मुकुन्द पौडेललाई पक्राउ गरी अनुसन्धान थालेको एसपी सिंहले जानकारी दिनुभयो ।
पौडेलले यस अघि पनि बिभिन्न ब्यक्तिलाई धम्क्याउएर रकम माग्ने गरेको एसपी सिंहले जानकारी दिएका छन् । घटना हुदा पौडेल होटलमा बसेको सुचनाका आधारमा पक्राउ गरिएको र सोही घटनामा उनको संलग्ना भए नभएको बारे अनुसन्धान गरिने प्रहरीले बताएको छ । एसपी सिंहले अनुसार अपराधमा संलग्न ती ब्यक्तिहरु अबैध बालुवा , ढुंगा उत्खननमा संलग्न हुन सक्ने आशंका गर्नुभयो ।।
