दाङ, २ भदौ ।
दाङको घोराही नगरपालिका–६ लाई पूर्ण सफा घोषणा गर्न ७ सदस्यीय अनुगमन समिति गठन गरिएको छ । वडा नागरिक मञ्च र वडा सरसफाइ समितिको संयुक्त बैठकले सबै क्षेत्रहरु समेट्ने गरी समिति गठन गरेको हो ।
वडा नागरिक मञ्चका संयोजक धर्म हमालको संयोजकत्वमा गठित समितिमा वडा सरसफाइ संयोजक मीनराज गौतम, सचिव दिनेश ओली, सदस्य यज्ञराज खत्री, नीमा घर्ती, वडा नागरिक मञ्चका सदस्य सुना सेन र पत्रकार गोविन्द खड्का रहनुभएको छ ।
समितिले वडाका घर र बस्तीको अनुगमन गर्नुका साथै सरसफाईको मापदण्ड पूरा गरेका घर र टोललाई सफा घोषणा गर्न सिफारिस गर्नेछ । साथै, बैठकले यहि भदौ १५ गते वडाको तेस्रो खुला दिसामुक्त दिवस पिपलखालीमा मनाउने निर्णय गरेको छ ।।
