इन्द्रेणी संवाददाता
दाङ, ९ बैशाख
एकिकृत नेकपा माओवादीका अध्यक्ष पुष्पकमल दाहाल प्रचण्ड भोली दाङ आउदैँ हुनुुहुन्छ । एकिकृत मोओवादी निकट थारु मुक्ति मोर्चाको तुलसीपुरमा हुने राष्ट्रिय सम्मेलनको उद्घाटन गर्न अध्यक्ष प्रचण्ड दाङ आउन लाग्नुभएको हो । भोली १० गते तुलसीपुरको अरनिको मैदानमा सम्मेलनको उद्घाटन हुने र सभालाई पार्टीका केन्द्रिय अध्यक्ष प्रचण्डले सम्बोधन गर्ने कार्यक्रम छ ।
थारु मुक्ति मोर्चाका केन्द्रिय संयोजक सन्तकुमार थारुले थारुवान प्रदेशका लागि आफूहरुको संघर्ष जारी रहेको बताउदै थारु जातीको हकअधिकार र थारुवान प्रदेशका लागि अन्य पार्टीका थारु निकट संघसंगठनहरुसंग कार्यगत एकता गरेर अघि बढ्ने बताउनुभयो ।
दाङलाई आफ्नो पार्टीले प्रादेशिक राजधानीको रुपमा निर्णय गरिसकेको अवस्थामा थारु मुक्ति मोर्चाको राष्ट्रिय सम्मेलनले यसलाई थप दवाव सिर्जना हुने उहाँको भनाइ छ । भोली र पर्सी गरी दुई दिनसम्म चल्ने राष्ट्रिय सम्मेलनमा माओवादी निकट भातृसंगठन थारु मुक्ति मोर्चाका नेता कार्यकर्ताहरुको सहभागीता रहने आयोजक मोर्चाले जनाएको छ ।।
