जाजरकोट, २७ साउन ।
मौसम सफा हुदा घरमा हुने अन्य कामहरु गर्न भ्याई नभ्याई छ, वोहरा गाउँकी पूर्णिमा चन्दलाई । जव आकाशवाट पानी वर्सिन थाल्छ तव पूर्णिमा चन्द प्लाष्टिक टनेल भित्र रहेको टमोटरको सेवा गर्न थालिछन ।
दैनिक गोडमेल गर्ने गरिएको प्लाष्टिक टनेल भित्रको टमोटरले वढी उत्पादन दिने कुरामा चन्द विश्वस्त देखिन्छन । घर नजिकै वारीका दुईवटा प्लाष्टिक टनेल भित्र टमोटर खेती गरेकी पूर्णिमाले आगामी दिनमा वेमौसमी तरकारी खेतीलाई निरन्तरता दिने वताएकी छन् । प्लाष्टिक टनेल भित्र तरकारी खेती गर्नाले घाम, पानी, जाडो जस्ता मौसममा पनि काम गर्न सकिने भएको हुदा समयको सदुपयोग गर्न सकिने पूर्णिमाको भनाई छ ।
त्यसै गरी प्लाष्टिक टनेल भित्र तरकारी खेती गर्दा माटोको उर्भरा शक्तिको रक्षा गर्न सकिने भएको हुदा दीगो कृषि गर्न सकिने चन्दले अनुभव सुनाईन ।
घामवाट सुख्खा जमिन भई उर्भरा शक्तिको ह्रास, भारी वर्षाले पहाडी भिरालो जमिनको उर्भरा माटो वगाएर लिने खाल्का खतरावाट जमिनलाई प्लाष्टिक टनेलका माध्यामवाट वचाउन सकिने चन्दको तर्क छ । प्लाष्टिक टनेलवाट वेमौसमी खेती गरेर जमिनवाट धेरै लाभ हासिल गर्न सकिने उनको भनाई छ । पूणिमा चन्दले घरमा गाई गोरु पाल्नुका साथै धान, मकै जस्ता विभिन्न अन्न खती पनि गरिरहेकी छन् । साथै उनले नगदे वालीका रुपमा वदाम खेती पनि गरिरहेकी छन् ।।
