दाङ । साउनको पहिलो साता लाग्दै गर्दा दाङमा करिब ८५ प्रतिशत क्षेत्रमा धान रोपाइँ सकिएको छ । कृषि ज्ञान केन्द्र दाङका अनुसार अहिलेसम्म जिल्लामा २८ हजार ३८५ हेक्टर क्षेत्रफल धान रोपाइँ सकिएको छ ।
केन्द्रका प्रमुख नवराज भण्डारीलेका अनुसार देउखुरी क्षेत्रका अधिकांश स्थानमा धान रोपाइँ सकिएको छ। तर दाङ उपत्यका तथा वर्षाको भरमा खेती हुने केही क्षेत्रमा अझै रोपाइँ जारी छ।
घोराहीको नारायणपुर, तुलसीपुर उपमहानगरपालिकाको दक्षिणी क्षेत्र, दंगीशरण, शान्तिनगर, बबई र बंगलाचुली गाउँपालिकाका वर्षामा निर्भर किसानले अझै रोपाइँ गरिरहेको उनले बताए । अझै १५ प्रतिशतमा भने रोपाइँ बाँकी छ ।
यस वर्ष दाङमा ३४ हजार ४२३ हेक्टर क्षेत्रफलमा धान रोपाइँ हुने कृषि ज्ञान केन्द्रको अनुमान छ ।
