काठमाडौं । धादिङको धुनिबेसी नगरपालिका वडा नं. ९ झ्याप्ले खोलामा पहिरोमा पुरिएका गाडीबाट १४ जनाको शव निकालिएको छ । शनिवार बिहान पहिरो जाँदा झ्याप्ले खोलामा गाडीहरु पुरिएका थिए ।
पहिरोमा पुरिएका लु १ ज ४५७८ नम्बरको माइक्रोबसबाट पाँच वटा र नम्बर नखुलेको अर्को बसबाट नौ जनाको शव निकालिएको धादिङका प्रमुख जिल्ला अधिकारी राजेन्द्रदेव पाण्डेले जानकारी दिएका छन् ।
बेलुका एक्साभेटरको सहायताले गाडी निकालिएको हो । पहिरोमा अरू बस पनि पुरिएको आशङ्का गरिएको छ । शनिवार विहान धादिङबाट काठमाडौंतर्फ आउँदै गर्दा बसहरु पहिरोमा परेका थिए ।
