काठमाडौ, १० साउन ।
धुम्रपान गर्ने महिलामा आन्तरिक रक्तस्रावका कारण हुने मस्तिष्कघातको खतरा बढी रहेको अनुसन्धानकर्ताहरुले बताएका छन् । सुवाराच्नोइड हेमरेज नामक गम्भीर प्रकृतिको मस्तिष्कघात धुम्रपान नगर्ने महिलाको तुलनामा दैनिक एक प्याकेट भन्दा बढी धुम्रपान गर्ने महिलामा आठौ गुणा बढी हुने, फिनिस अनुसन्धानकर्ताले पत्ता लगाएका छन् ।
त्यही अनुपातमा धुम्रपान गर्ने पुरुषमा भने यसको जोखिम तीन गुणा बढी मात्र देखिएको छ ।
अध्ययनले हल्का धुम्रपान गर्ने महिलामा पनि यसको जोखिम तीन गुणा बढी रहने गरेको पत्ता लगाएको छ ।
मायामी मिलर स्कुल अफ मेडिसिनस्थित न्युरोलोजीका अध्यक्ष डा. राल्फ साकोका अनुसार सुवाराच्नोइड हेमरेजले विभिन्न प्रकारका मस्तिष्कघातको तीन प्रतिशत भाग ओगट्ने गर्छ ।
यस खालको मस्तिष्कघात दिमागमा एनिर्युसिम रक्तस्राव हुनाले गर्छ । एनिर्युसियम भनेको दिमागमा हुने सानो प्रकारको कमजोर रक्तनली हो, जुन कुनै पनि बेला फुट्न सक्छ ।
यस अध्ययनका लागि लिण्डबोह्म तथा उनका सहयोगीले फिनिस नेशनल सर्भेमा सन् १९७२ देखि उल्लेख भएका झण्डै ६६ हजार तन्नेरीको तथ्यांक संकलन गरेका थिए । सो क्रममा अनुसन्धानकर्ताले उनीहरुलाई पहिलो मस्तिष्कघात नभएसम्म, नमरेसम्म अथवा सन् २०११ को अन्त्यसम्म करिब २१ वर्षका लागि निगरानीमा राखेका थिए ।
निगरानी पश्चात्त आएको नतिजाले हल्का धुम्रपानकर्ता मध्य दैनिक एकदेखि दश वटासम्म चुरोट पिउने महिलामा सुवाराच्नोइड हेमरेजको जोखिम तीन गुणा बढी रहने तथा पुरुषको हकमा दोब्बर रहने फेला पारेको थियो ।।
