दाङ, ९ साउन
सल्यानको सारदा नगरपालीकामा सञ्चालीत तेस्रो साना शहरी खानेपानी आयोजनाको आधा भन्दा वढी काम पुरा भएको छ । २४ सै घण्टा शुद्ध पिउने पानी उपलब्ध गराउन जिल्लामै सञ्चालीत आयोजना सवै भन्दा ठुलो हो । नेपाल सरकार, उपभोक्ता र नगर विकास कोषको लगानीमा खलङ्गा सितलपाटी साना सहरी खानेपानी आयोजना सञ्चालनमा आएको हो ।
पानीको समस्या समाधान गर्न साना सहरी खानेपानी आयोजनाको आवश्यक्ता महशुस गरी अहीले भौतीक पूर्वाधार निर्माणको काम तिव्र रुपमा भैरहेको हो । १५ करोड ३८ लाख ९४ हजार ३ सय ७० रुपैयाँ ५४ पैसाको लागतमा आयोजना सुरु भएको छ ।
उपभोक्ताको ३० प्रतिशत अन्र्तगत ५ प्रतिशत उपभोक्ताको नगद, २५ प्रतिशत नगर विकास कोषको ऋण र ७० प्रतिशत नेपाल सरकारको अनुदान सहयोगमा खानेपानी आयोजनाको काम भैरहेको निर्माण कम्पनी चन्द्रा एण्ड वसन्त कन्ट्रक्सन प्रालीका प्रोजेक्ट म्यानेजर ईञ्जिनियर तपराज पाठकले जानकारी दिनुभएको छ ।
शारदा नगरपाली वडा नं. १, २ र ३ मा १२ सय ४३ धारा वितरण गर्ने लक्ष्य अनुसार अहीले पाईप लाईन विस्तारको काम पनि चलीरहेको छ । यसैगरी अहीले सम्म एक सय घन मिटरका दुई वटा अण्डर ग्राउण्ड रिजर्व ट्यांकी, ५ घन मिटरको दुई वटा थप रिजर्व ट्यांकी, जेनेरेटर र गार्ड हाउस तिन वटा, पम्प हाउस ३ वटा कार्यालय भवन एउटा, केमीकल स्टोर एउटा, ट्यूवेल २ वटा, सार्वजनिक शौचालय एउटा निर्माण भैसकेको छ ।
३१ किलोमिटर लामो पाईप लाईन विस्तार गरिने छ । जसमा ५ किलोमिटर मुख्य पाईपलाईन रहने र वाकी २६ किलोमिटर लामो शाखा पाईप लाईन रहने छ । खालमा रहेको सितलपाटी वाट उचाईमा रहेको खलङ्गामा पानी पु¥याउन थालीएको हो ।।
